ឯកឧត្តម សោម ពិសិដ្ឋ ចុះដឹកនាំក្រុមការងារដំឡើងស្លាកគណបក្សប្រជាជនកម្ពុជា ក្នុងភូមិសាស្ត្រស្រុកដំណាក់ចង្អើរ

ខេត្តកែប៖ នាថ្ងៃអាទិត្យ ទី៥ ខែមេសា ឆ្នាំ២០២៦ ម្សិលមិញនេះ ឯកឧត្តម សោម ពិសិដ្ឋ សមាជិកគណៈកម្មាធិការកណ្ដាល សមាជិកយុវជនគណបក្សថ្នាក់កណ្ដាល និងជាប្រធានគណៈកម្មាធិការគណបក្សខេត្តកែប បានអញ្ជើញចុះត្រួតពិនិត្យ និងដឹកនាំក្រុមការងារដោយផ្ទាល់ ក្នុងសកម្មភាពដំឡើងស្លាកគណបក្សប្រជាជនកម្ពុជា នៅតាមទីតាំងគោលដៅក្នុងភូមិសាស្ត្រស្រុកដំណាក់ចង្អើរ។

សកម្មភាពនេះត្រូវបានរៀបចំឡើងក្នុងគោលបំណង៖
ពង្រឹងវត្តមានបក្ស៖ ដើម្បីបង្ហាញពីភាពរឹងមាំ និងការត្រៀមលក្ខណៈរួចជាស្រេចរបស់គណបក្សប្រជាជនកម្ពុជានៅមូលដ្ឋាន។

ការងារតុបតែង និងសោភ័ណភាព៖ ការរៀបចំដំឡើងស្លាកថ្មី និងជួសជុលស្លាកចាស់ៗឱ្យមានភាពស្រស់ស្អាត និងមានលក្ខណៈស្តង់ដារបស់គណបក្ស។

ការផ្សារភ្ជាប់ជាមួយមូលដ្ឋាន៖ ជាឱកាសក្នុងការចុះសួរសុខទុក្ខ និងពង្រឹងសាមគ្គីភាពរវាងថ្នាក់ដឹកនាំ និងសកម្មជនបក្សនៅថ្នាក់ក្រោមជាតិ។

ក្នុងឱកាសនោះ ឯកឧត្តមប្រធានគណៈកម្មាធិការគណបក្សខេត្ត បានកោតសរសើរដល់ក្រុមការងារយុវជន និងសមាជិកបក្សទាំងអស់ ដែលបានខិតខំប្រឹងប្រែងបំពេញភារកិច្ចដោយស្មារតីទទួលខុសត្រូវខ្ពស់ ដើម្បីលើកកម្ពស់មុខមាត់របស់គណបក្សក្នុងខេត្តកែបឱ្យកាន់តែលេចធ្លោថែមទៀត។

ការចុះត្រួតពិនិត្យនេះ បានឆ្លុះបញ្ចាំងពីការយកចិត្តទុកដាក់ខ្ពស់របស់ថ្នាក់ដឹកនាំ ក្នុងការត្រៀមរៀបចំរចនាសម្ព័ន្ធ និងសោភ័ណភាពបក្ស ឆ្ពោះទៅរកការងារបម្រើប្រជាពលរដ្ឋក្នុងមូលដ្ឋានឱ្យកាន់តែប្រសើរឡើង៕