ខេត្តកែប .នៅព្រឹកថ្ងៃទី១១ ខែមីនា ឆ្នាំ២០២៦ ពិធីបើកការដ្ឋានសាងសង់ផ្លូវបេតុងមួយខ្សែថ្មី។ ក្រោមការណែនាំផ្ទាល់ពី ឯកឧត្តមឧបនាយករដ្ឋមន្ត្រី សាយ សំអាល់ ប្រធានក្រុមការងារចុះមូលដ្ឋានខេត្តកែប និងមានការអញ្ជើញចូលរួមពី លោក ហ៊ួរ មិថុនា អភិបាលរងខេត្ត តំណាងដ៏ខ្ពង់ខ្ពស់ ឯកឧត្តមបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប។
ក្នុងឱកាសចុះពិនិត្យគម្រោងសាងសង់ផ្លូវបេតុងក្រវាត់ភ្នំអង្គោលតូចនេះ លោកអភិបាលរងខេត្ត បានគូសបញ្ជាក់ពីសារៈសំខាន់នៃសមិទ្ធផលថ្មីនេះថា ទីណាមានផ្លូវ ទីនោះមានចរន្តសេដ្ឋកិច្ច លោកបានបន្តថា ផ្លូវខ្សែនេះនឹងក្លាយជាសរសៃឈាមដ៏សំខាន់ក្នុងការបម្រើដល់ការធ្វើដំណើរ និងការប្រកបរបរទទួលទានរបស់បងប្អូនប្រជាពលរដ្ឋក្នុងសហគមន៍ឱ្យកាន់តែប្រសើរឡើង។
ទន្ទឹមនឹងការអបអរសាទរសមិទ្ធផលថ្មី លោក ហ៊ួរ មិថុនា ក៏បានសង្កត់ធ្ងន់លើចំណុចសំខាន់ៗចំនួន ២
១. ការយោគយល់អធ្យាស្រ័យ៖ លោកបានស្នើសុំឱ្យបងប្អូនប្រជាពលរដ្ឋដែលមានទីលំនៅតាមបណ្តោយផ្លូវ មេត្តាសហការ និងយោគយល់ចំពោះការប៉ះពាល់ទ្រព្យសម្បត្តិបន្តិចបន្តួចក្នុងអំឡុងពេលសាងសង់ ដើម្បីប្រយោជន៍រួមសម្រាប់សហគមន៍ទាំងមូល។
២.ការលក់ដូរ លោកបានអំពាវនាវដល់បងប្អូនប្រជាពលរដ្ឋ នៅពេលផ្លូវនេះស្ថាបនារួចរាល់ ហើយមានការលក់ដូរតាមដងផ្លូវ សូមកុំឱ្យមានសកម្មភាពបក់ដៃហៅភ្ញៀវ ឬចាប់ម៉ូយតាមរបៀបខ្វះសណ្តាប់ធ្នាប់ ដែលអាចប៉ះពាល់ដល់សោភ័ណភាព និងមុខមាត់របស់ខេត្តទេសចរណ៍មួយនេះ។
គម្រោងផ្លូវបេតុងក្រវាត់ភ្នំអង្គោលតូចនេះ គឺជាផ្នែកមួយនៃផែនការយុទ្ធសាស្ត្ររបស់រដ្ឋបាលខេត្តកែប ក្នុងការកែប្រែមុខមាត់តំបន់ជាយខេត្ត ឱ្យក្លាយជាតំបន់ដែលមានសក្តានុពលសេដ្ឋកិច្ចខ្ពស់ និងផ្តល់ភាពងាយស្រួលដល់ការរស់នៅរបស់ប្រជាពលរដ្ឋ៕
ខេត្តកែប .នៅព្រឹកថ្ងៃទី១១ ខែមីនា ឆ្នាំ២០២៦ ពិធីបើកការដ្ឋានសាងសង់ផ្លូវបេតុងមួយខ្សែថ្មី។ ក្រោមការណែនាំផ្ទាល់ពី ឯកឧត្តមឧបនាយករដ្ឋមន្ត្រី សាយ សំអាល់ ប្រធានក្រុមការងារចុះមូលដ្ឋានខេត្តកែប និងមានការអញ្ជើញចូលរួមពី លោក ហ៊ួរ មិថុនា អភិបាលរងខេត្ត តំណាងដ៏ខ្ពង់ខ្ពស់ ឯកឧត្តមបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប។
ក្នុងឱកាសចុះពិនិត្យគម្រោងសាងសង់ផ្លូវបេតុងក្រវាត់ភ្នំអង្គោលតូចនេះ លោកអភិបាលរងខេត្ត បានគូសបញ្ជាក់ពីសារៈសំខាន់នៃសមិទ្ធផលថ្មីនេះថា ទីណាមានផ្លូវ ទីនោះមានចរន្តសេដ្ឋកិច្ច លោកបានបន្តថា ផ្លូវខ្សែនេះនឹងក្លាយជាសរសៃឈាមដ៏សំខាន់ក្នុងការបម្រើដល់ការធ្វើដំណើរ និងការប្រកបរបរទទួលទានរបស់បងប្អូនប្រជាពលរដ្ឋក្នុងសហគមន៍ឱ្យកាន់តែប្រសើរឡើង។
ទន្ទឹមនឹងការអបអរសាទរសមិទ្ធផលថ្មី លោក ហ៊ួរ មិថុនា ក៏បានសង្កត់ធ្ងន់លើចំណុចសំខាន់ៗចំនួន ២
១. ការយោគយល់អធ្យាស្រ័យ៖ លោកបានស្នើសុំឱ្យបងប្អូនប្រជាពលរដ្ឋដែលមានទីលំនៅតាមបណ្តោយផ្លូវ មេត្តាសហការ និងយោគយល់ចំពោះការប៉ះពាល់ទ្រព្យសម្បត្តិបន្តិចបន្តួចក្នុងអំឡុងពេលសាងសង់ ដើម្បីប្រយោជន៍រួមសម្រាប់សហគមន៍ទាំងមូល។
២.ការលក់ដូរ លោកបានអំពាវនាវដល់បងប្អូនប្រជាពលរដ្ឋ នៅពេលផ្លូវនេះស្ថាបនារួចរាល់ ហើយមានការលក់ដូរតាមដងផ្លូវ សូមកុំឱ្យមានសកម្មភាពបក់ដៃហៅភ្ញៀវ ឬចាប់ម៉ូយតាមរបៀបខ្វះសណ្តាប់ធ្នាប់ ដែលអាចប៉ះពាល់ដល់សោភ័ណភាព និងមុខមាត់របស់ខេត្តទេសចរណ៍មួយនេះ។
គម្រោងផ្លូវបេតុងក្រវាត់ភ្នំអង្គោលតូចនេះ គឺជាផ្នែកមួយនៃផែនការយុទ្ធសាស្ត្ររបស់រដ្ឋបាលខេត្តកែប ក្នុងការកែប្រែមុខមាត់តំបន់ជាយខេត្ត ឱ្យក្លាយជាតំបន់ដែលមានសក្តានុពលសេដ្ឋកិច្ចខ្ពស់ និងផ្តល់ភាពងាយស្រួលដល់ការរស់នៅរបស់ប្រជាពលរដ្ឋ៕
