លោក អូន ខន អភិបាល នៃគណៈអភិបាលស្រុកកំពង់ត្រាច បានអញ្ជើញជាអធិបតីក្នុងពិធីសំណេះសំណាលជាមួយថ្នាក់ដឹកនាំ មន្ត្រីរាជការក្នុងស្រុកកំពង់ត្រាច

នាព្រឹកថ្ងៃទី១០ ខែតុលា ឆ្នាំ២០២៣ លោក អូន ខន អភិបាល នៃគណៈអភិបាលស្រុកកំពង់ត្រាច បានអញ្ជើញជាអធិបតីក្នុងពិធីសំណេះសំណាលជាមួយថ្នាក់ដឹកនាំ មន្ត្រីរាជការក្នុងស្រុកកំពង់ត្រាច អញ្ជើញចូលរួមជាគណៈអធិបតីមានដូចជា៖ លោក លោកស្រីអភិបាលរងស្រុក លោកនាយក-នាយករងរដ្ឋបាល។

ថ្លែងក្នុងពិធីនេះ លោកអភិបាលស្រុក បានមានប្រសាសន៍ថ្លែងអំណរគុណ និងកោតសរសើរចំពោះថ្នាក់ដឹកនាំ មន្ត្រីរាជការគ្រប់រូបសម្រាប់ការយកចិត្តទុកដាក់បំពេញការងារបានល្អប្រសើរគួរជាទីមោទនៈ ព្រមទាំងបានផ្ដល់នូវអនុសាសន៍ណែនាំបន្ថែមក្នុងក្របខណ្ឌការបម្រើប្រជាពលរដ្ឋ និងរក្សានូវសាមគ្គីផ្ទៃក្នុងប្រកបដោយការស្រឡាញ់រាប់អានគ្នាដោយស្នាមញញឹម លោកអភិបាលស្រុក ក៏បាននាំយកនូវការផ្ដាំផ្ញើសួរសុខទុក្ខពីសំណាក់ ឯកឧត្តមបណ្ឌិត ម៉ៅ ធនិន អភិបាល នៃគណៈអភិបាលខេត្តកំពត ជូនសមាជិក នៃអង្គពិធីផងដែរ។

បន្ថែមលើនេះលោកអភិបាលស្រុក និងភរិយា បានឧបត្ថម្ភថវិកាលើកទឹកចិត្តក្នុងឱកាសបុណ្យភ្ជុំបិណ្ឌ ជូនថ្នាក់ដឹកនាំ មន្ត្រីរាជការក្នុងស្រុក សរុបចំនួន ៧,២០០,០០០៛៕