ដើម្បីឆ្លើយតបតាមការសំណូមពរ និងតម្រូវការរបស់បងប្អូនប្រជាពលរដ្ឋក្រោយការបោះឆ្នោតជ្រើសរើសតាំងតំណាងរាស្ដ្រ នីតិកាលទី៧នេះរួចមក

ព្រឹកថ្ងៃអង្គារ ៨ កើត ខែទុតិយាសាឍ ឆ្នាំថោះបញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី២៥ ខែកក្កដា ឆ្នាំ២០២៣

លោក អ៉ឹម ច័ន្ទសោធន អភិបាល នៃគណៈអភិបាលស្រុកទឹកឈូ បានដឹកនាំកិច្ចប្រជុំគណៈអភិបាលស្រុក ដើម្បីស្វែងយល់ពីតម្រូវការ និងក្តាប់ឲ្យបានពីបញ្ហារបស់បងប្អូនប្រជាពលរដ្ឋក្នុងមូលដ្ឋាន និងការងារទូទៅក្នុងស្រុក ដើម្បីងាយស្រួលដោះស្រាយជូនពួកគាត់ក្នុងភូមិសាស្ត្រស្រុកទឹកឈូទាំងមូល៖

ក្នុងឱកាលនេះ លោកអភិបាលក៏បានណែនាំដល់លោក លោកស្រី អភិបាលរងស្រុក លោកនាយករដ្ឋបាល និងលោកលោកលោកស្រីនាយករងរដ្ឋបាល អនុវត្តន៍កិច្ចការងារមួយចំនួនដូចខាងក្រោម ៖
– ត្រួតពិនិត្យវត្តមាន ថ្នាក់ដឹកនាំ និងមន្ត្រីស្រុក និងពង្រឹងរបៀបរបការងាររបស់មន្ត្រី
– ចុះត្រួតពិនិត្យតាមដានការងារផ្ដល់សេវារបស់រដ្ឋបាលឃុំទាំង១៣
– ដោះស្រាយបញ្ហាប្រឈមនានា ពិសេសករណីរំលោភលើដីសាធារណៈរបស់រដ្ឋ និងបន្ដសម្រុះសម្រួលវិវាទក្រៅប្រព័ន្ធតុលាការ ប្រកបដោយភាពយុត្តិធម៌ និងភាពត្រឹមត្រូវ ៕