កែប៖ មន្ត្រីឧទ្យានុរក្សជាកម្លាំងជួរមុខ និងជាអ្នកអនុវត្តទីវាលនៅតាមតំបន់ការពារធម្មជាតិ ក្នុងកិច្ចការពារ ការអភិរក្ស ការត្រួតពិនិត្យ ការគ្រប់គ្រងភ្លើងឆេះព្រៃ ការអនុវត្តច្បាប់ និងការផ្តល់សេវាកម្មដល់ភ្ញៀវទេសចរជាដើម។
នេះជាប្រសាសន៍លើកឡើងរបស់ឯកឧត្តម ជា សំអាង រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន ក្នុងការប្រារព្ធទិវាបរិស្ថានពិភពលោក ធ្វើឡើងនៅឧទ្យានជាតិខេត្តកែប នាព្រឹកថ្ងៃទី១៥ ខែសីហា ឆ្នាំ២០២៤ ក្នុងនោះក៏មានវត្តមានចូលរួមរបស់ឯកឧត្តមបណ្ឌិត សោម ពិសិដ្ឋ អភិបាលខេត្តកែប ប្រតិភូអមដំណើរ ឯកឧត្តម រដ្ឋលេខាធិការ តំណាងកងកម្លាំងទាំងបី មន្ទីរអង្គភាពជុំវិញខេត្ត មន្ត្រីឧទ្យានុរក្សតាមបណ្តាខេត្ត និងតំណាងអង្គការដៃគូជាដើម។
ឯកឧត្តមបណ្ឌិត សោម ពិសិដ្ឋ អភិបាលខេត្តកែប បានអោយដឹងថា ខេត្តកែបមានឧទ្យានជាតិមួយចំកណ្តាលក្រុង ដែលជួយលើកកម្ពស់សោភ័ណភាពក្រុងកែប ទាំងមូលអោយរក្សាបាននូវភាពបៃតងគ្រប់រដូវកាល តាមរយៈការខិតខំការពារពីសំណាក់ មន្ត្រីឧទ្យានុរក្សរបស់យើង ឧទ្យានជាតិមួយនេះរក្សាបាននូវធាតុដើម និងបន្តជាទីចាប់អារម្មណ៍របស់សាធារណជនទូទៅ។
ឯកឧត្តមបន្តថា តាមរយៈការប្រារព្វទិវានេះឡើង និងជួយផ្សព្វផ្សាយដល់សាធារណៈជន និងសហគមន៍ កាន់តែយល់ច្បាស់ពី តួនាទី ភារកិច្ច និងការលះបង់របស់មន្ដ្រីឧទ្យានុរក្ស ក្នុងការបំពេញបេសកម្ម ដើម្បីការពារធនធានធម្មជាតិ ដែលជាកេរ្ដិ៍ដំណែងសម្រាប់មនុស្សគ្រប់ជំនាន់។ (សម្លេងអភិបាលខេត្តកែប)
ថ្លែងនាឱកាសនោះដែរ ឯកឧត្តម ជា សំអាង រដ្ឋលេខាធិការក្រសួងបរិស្ថាន បានអោយដឹងថា ការប្រារព្វទិវាឧទ្យានុរក្សពិភពលោក ឆ្នាំ២០២៤ លើកទី១៧ ធ្វើឡើងក្នុងគោលបំណង លើកទឹកចិត្ត និងជាការដឹងគុណដល់មន្ដ្រីឧទ្យានុរក្ស ក្នុងការខិតខំបំពេញបេសកកម្មប្រកបដោយប្រសិទ្ធភាពខ្ពស់ ក្នុងការការពារ បរិស្ថាន និងធនធានធម្មជាតិ។
ឯកឧត្តមបន្តថា ដោយសារកត្តាសន្តិភាព កម្ពុជាមានឱកាសបង្កើតតំបន់ការពារធម្មជាតិ តាមមុខងារនៃប្រព័ន្ធអេកូឡូស៊ីផ្សេងៗ រហូតដល់ចំនួន ៧៣តំបន់ មានផ្ទៃដីប្រមាណ ៧លានហិកតា (សរុប ៧.០៤៦.៨៦៣ ហិកតា) ស្មេីនឹងជិត៤០%នៃផ្ទៃប្រទេស។
ឯកឧត្តមបន្ថែមថា បើយោងតាមក្រុមជំនាញ នៅទូទាំងពិភពលោក យ៉ាងហោចណាស់មន្ដ្រីឧទ្យានុរក្សចំនួន ១,០០០នាក់ត្រូវបានស្លាប់ពេលបំពេញកាតព្វកិច្ច ក្នុងរយៈពេល១០ឆ្នាំ កន្លងទៅនេះ ដោយកត្តាផ្សេងៗជាពិសេសក្នុងការប៉ះទង្គិចជាមួយឧក្រិដ្ឋជនជាដើម៕
កែប៖ មន្ត្រីឧទ្យានុរក្សជាកម្លាំងជួរមុខ និងជាអ្នកអនុវត្តទីវាលនៅតាមតំបន់ការពារធម្មជាតិ ក្នុងកិច្ចការពារ ការអភិរក្ស ការត្រួតពិនិត្យ ការគ្រប់គ្រងភ្លើងឆេះព្រៃ ការអនុវត្តច្បាប់ និងការផ្តល់សេវាកម្មដល់ភ្ញៀវទេសចរជាដើម។
នេះជាប្រសាសន៍លើកឡើងរបស់ឯកឧត្តម ជា សំអាង រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន ក្នុងការប្រារព្ធទិវាបរិស្ថានពិភពលោក ធ្វើឡើងនៅឧទ្យានជាតិខេត្តកែប នាព្រឹកថ្ងៃទី១៥ ខែសីហា ឆ្នាំ២០២៤ ក្នុងនោះក៏មានវត្តមានចូលរួមរបស់ឯកឧត្តមបណ្ឌិត សោម ពិសិដ្ឋ អភិបាលខេត្តកែប ប្រតិភូអមដំណើរ ឯកឧត្តម រដ្ឋលេខាធិការ តំណាងកងកម្លាំងទាំងបី មន្ទីរអង្គភាពជុំវិញខេត្ត មន្ត្រីឧទ្យានុរក្សតាមបណ្តាខេត្ត និងតំណាងអង្គការដៃគូជាដើម។
ឯកឧត្តមបណ្ឌិត សោម ពិសិដ្ឋ អភិបាលខេត្តកែប បានអោយដឹងថា ខេត្តកែបមានឧទ្យានជាតិមួយចំកណ្តាលក្រុង ដែលជួយលើកកម្ពស់សោភ័ណភាពក្រុងកែប ទាំងមូលអោយរក្សាបាននូវភាពបៃតងគ្រប់រដូវកាល តាមរយៈការខិតខំការពារពីសំណាក់ មន្ត្រីឧទ្យានុរក្សរបស់យើង ឧទ្យានជាតិមួយនេះរក្សាបាននូវធាតុដើម និងបន្តជាទីចាប់អារម្មណ៍របស់សាធារណជនទូទៅ។
ឯកឧត្តមបន្តថា តាមរយៈការប្រារព្វទិវានេះឡើង និងជួយផ្សព្វផ្សាយដល់សាធារណៈជន និងសហគមន៍ កាន់តែយល់ច្បាស់ពី តួនាទី ភារកិច្ច និងការលះបង់របស់មន្ដ្រីឧទ្យានុរក្ស ក្នុងការបំពេញបេសកម្ម ដើម្បីការពារធនធានធម្មជាតិ ដែលជាកេរ្ដិ៍ដំណែងសម្រាប់មនុស្សគ្រប់ជំនាន់។ (សម្លេងអភិបាលខេត្តកែប)
ថ្លែងនាឱកាសនោះដែរ ឯកឧត្តម ជា សំអាង រដ្ឋលេខាធិការក្រសួងបរិស្ថាន បានអោយដឹងថា ការប្រារព្វទិវាឧទ្យានុរក្សពិភពលោក ឆ្នាំ២០២៤ លើកទី១៧ ធ្វើឡើងក្នុងគោលបំណង លើកទឹកចិត្ត និងជាការដឹងគុណដល់មន្ដ្រីឧទ្យានុរក្ស ក្នុងការខិតខំបំពេញបេសកកម្មប្រកបដោយប្រសិទ្ធភាពខ្ពស់ ក្នុងការការពារ បរិស្ថាន និងធនធានធម្មជាតិ។
ឯកឧត្តមបន្តថា ដោយសារកត្តាសន្តិភាព កម្ពុជាមានឱកាសបង្កើតតំបន់ការពារធម្មជាតិ តាមមុខងារនៃប្រព័ន្ធអេកូឡូស៊ីផ្សេងៗ រហូតដល់ចំនួន ៧៣តំបន់ មានផ្ទៃដីប្រមាណ ៧លានហិកតា (សរុប ៧.០៤៦.៨៦៣ ហិកតា) ស្មេីនឹងជិត៤០%នៃផ្ទៃប្រទេស។
ឯកឧត្តមបន្ថែមថា បើយោងតាមក្រុមជំនាញ នៅទូទាំងពិភពលោក យ៉ាងហោចណាស់មន្ដ្រីឧទ្យានុរក្សចំនួន ១,០០០នាក់ត្រូវបានស្លាប់ពេលបំពេញកាតព្វកិច្ច ក្នុងរយៈពេល១០ឆ្នាំ កន្លងទៅនេះ ដោយកត្តាផ្សេងៗជាពិសេសក្នុងការប៉ះទង្គិចជាមួយឧក្រិដ្ឋជនជាដើម៕
