ភ្នំពេញ៖ ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន នៅព្រឹកថ្ងៃទី១៨ ខែសីហានេះ បានចាកចេញពីក្រសួងព័ត៌មាន ដែលឯកឧត្តម បានបំពេញការងារអស់រយៈពេល ៣០ឆ្នាំ គិតចាប់ពីឆ្នាំ១៩៩៣ ជារដ្ឋលេខាធិការ រហូតដល់ឡើងជារដ្ឋមន្ត្រី នៅឆ្នាំ២០០៤។ មន្ត្រីរាជការគ្រប់លំដាប់ថ្នាក់ បានបង្ហាញក្តីស្រឡាញ់ និងអាឡោះអាល័យយ៉ាងខ្លាំង ចំពោះការចាកចេញរបស់ឯកឧត្តម ខៀវ កាញារីទ្ធ នាព្រឹកថ្ងៃទី១៨ ខែសីហា ឆ្នាំ២០២៣នេះ។
ឯកឧត្តម ខៀវ កាញារីទ្ធ កើតនៅថៃ្ងទី១៣ ខែកញ្ញា ឆ្នាំ១៩៥១ កាលពីកុមារភាព បានរៀននៅសាលាបឋមសិក្សាមជ្ឈឹម ក្នុងខេត្តបាត់ដំបង។ បន្ទាប់មកឯកឧត្តម ខៀវ កាញារីទ្ធ បានបន្តការសិក្សា នៅសាលាបឋមសិក្សា ពៅអ៊ុំ ក្នុងក្រុងភ្នំពេញ។ប្រវត្តិរូបសង្ខេប ដែលបានផ្សព្វផ្សាយក្នុងគេហទំព័ររបស់ក្រសួងព័ត៌មាន បង្ហាញថា ឯកឧត្តម ខៀវ កាញារីទ្ធ បានបញ្ចប់ការសិក្សា នៅមហាវិទ្យាល័យនីតិសាស្ត្រ និងវិទ្យាសាស្ត្រសេដ្ឋកិច្ច ហើយក៏ជាសិស្សមន្ត្រីជាន់ខ្ពស់ ខាងការទូតនៃសាលាជាតិរដ្ឋបាល ជំនាន់ទីពីរ។
ចំណែកការងារក្នុងនីតិប្រតិបត្តិ ក៏បានបង្ហាញថា ឯកឧត្តម ខៀវ កាញារីទ្ធ ជានិពន្ធនាយកកាសែតកម្ពុជា ពីឆ្នាំ១៩៧៩ ដល់ឆ្នាំ១៩៩០។ លោក ក៏ជាទីប្រឹក្សានាយករដ្ឋមន្ត្រី ពីឆ្នាំ១៩៩១ ដល់ឆ្នាំ១៩៩៣។ លោក ខៀវ កាញារីទ្ធ ជាប្រធានក្រុមលេខាធិការរបស់រដ្ឋកម្ពុជា នៅក្នុងឧត្តមក្រុមប្រឹក្សាជាតិ ពីឆ្នាំ១៩៩១ ដល់ឆ្នាំ១៩៩៣។នៅក្នុងការងារនីតិប្បញ្ញត្តិ ឯកឧត្តម ខៀវ កាញារីទ្ធ ជាតំណាងរាស្ត្រ ប្រចាំខេត្តកណ្តាល ជាតំណាងរាស្ត្រ ប្រចាំរាជធានីភ្នំពេញ និងជាតំណាងរាស្ត្រ ប្រចាំខេត្តកំពង់ចាម។
នៅពេលប្រទេសកម្ពុជាយើង រៀបចំការបោះឆ្នោត ដោយអ៊ុនតាក់ នៅឆ្នាំ១៩៩៣ ឯកឧត្តម ខៀវ កាញារីទ្ធ បានកាន់តំណែងជារដ្ឋលេខាធិការក្រសួងព័ត៌មានចាប់តាំងពីឆ្នាំ១៩៩៣ រហូតដល់ឆ្នាំ២០០៤ ដោយឃើញថានៅក្នុងឆ្នាំ២០០៤ មកដល់បច្ចុប្បន្ន ឯកឧត្តម ខៀវ កាញារីទ្ធ ជារដ្ឋមន្ត្រីក្រសួងព័ត៌មាន។
អ្នកកាសែតជើងចាស់ ឯកឧត្តម ខៀវ កាញារីទ្ធ ក៏បានសរសេរសៀវភៅ និងបានចេញផ្សាយជាច្រើនរួចមកហើយ រួមមានដូចជា៖ ញញឹមចុងក្រោយ ឆ្ងាយហួសពីជើងមេឃ (បកប្រែ) អប្សរានៃអង្គរ (បកប្រែ) អ្នកដែលឃ្លាតឆ្ងាយ ការហិនហោចព្រៃឈើ (បកប្រែ) និងសៀវភៅ អគ្គមហាសេនា (បកប្រែ)។
បន្ទាប់ពីចាកចេញពីតំណែងរដ្ឋមន្ត្រីក្រសួងព័ត៌មាន នៅក្នុងនីតិកាលទី៧ នេះ ឯកឧត្តម ខៀវ កាញារីទ្ធ ដែលមានវ័យ ៧២ឆ្នាំ នឹងទៅធ្វើការនៅរដ្ឋសភា ក្នុងនាមជាអ្នកតំណាងរាស្ត្រ មណ្ឌលខេត្តកំពង់ចាម របស់គណបក្សប្រជាជនកម្ពជា។
ភ្នំពេញ៖ ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន នៅព្រឹកថ្ងៃទី១៨ ខែសីហានេះ បានចាកចេញពីក្រសួងព័ត៌មាន ដែលឯកឧត្តម បានបំពេញការងារអស់រយៈពេល ៣០ឆ្នាំ គិតចាប់ពីឆ្នាំ១៩៩៣ ជារដ្ឋលេខាធិការ រហូតដល់ឡើងជារដ្ឋមន្ត្រី នៅឆ្នាំ២០០៤។ មន្ត្រីរាជការគ្រប់លំដាប់ថ្នាក់ បានបង្ហាញក្តីស្រឡាញ់ និងអាឡោះអាល័យយ៉ាងខ្លាំង ចំពោះការចាកចេញរបស់ឯកឧត្តម ខៀវ កាញារីទ្ធ នាព្រឹកថ្ងៃទី១៨ ខែសីហា ឆ្នាំ២០២៣នេះ។
ឯកឧត្តម ខៀវ កាញារីទ្ធ កើតនៅថៃ្ងទី១៣ ខែកញ្ញា ឆ្នាំ១៩៥១ កាលពីកុមារភាព បានរៀននៅសាលាបឋមសិក្សាមជ្ឈឹម ក្នុងខេត្តបាត់ដំបង។ បន្ទាប់មកឯកឧត្តម ខៀវ កាញារីទ្ធ បានបន្តការសិក្សា នៅសាលាបឋមសិក្សា ពៅអ៊ុំ ក្នុងក្រុងភ្នំពេញ។ប្រវត្តិរូបសង្ខេប ដែលបានផ្សព្វផ្សាយក្នុងគេហទំព័ររបស់ក្រសួងព័ត៌មាន បង្ហាញថា ឯកឧត្តម ខៀវ កាញារីទ្ធ បានបញ្ចប់ការសិក្សា នៅមហាវិទ្យាល័យនីតិសាស្ត្រ និងវិទ្យាសាស្ត្រសេដ្ឋកិច្ច ហើយក៏ជាសិស្សមន្ត្រីជាន់ខ្ពស់ ខាងការទូតនៃសាលាជាតិរដ្ឋបាល ជំនាន់ទីពីរ។
ចំណែកការងារក្នុងនីតិប្រតិបត្តិ ក៏បានបង្ហាញថា ឯកឧត្តម ខៀវ កាញារីទ្ធ ជានិពន្ធនាយកកាសែតកម្ពុជា ពីឆ្នាំ១៩៧៩ ដល់ឆ្នាំ១៩៩០។ លោក ក៏ជាទីប្រឹក្សានាយករដ្ឋមន្ត្រី ពីឆ្នាំ១៩៩១ ដល់ឆ្នាំ១៩៩៣។ លោក ខៀវ កាញារីទ្ធ ជាប្រធានក្រុមលេខាធិការរបស់រដ្ឋកម្ពុជា នៅក្នុងឧត្តមក្រុមប្រឹក្សាជាតិ ពីឆ្នាំ១៩៩១ ដល់ឆ្នាំ១៩៩៣។នៅក្នុងការងារនីតិប្បញ្ញត្តិ ឯកឧត្តម ខៀវ កាញារីទ្ធ ជាតំណាងរាស្ត្រ ប្រចាំខេត្តកណ្តាល ជាតំណាងរាស្ត្រ ប្រចាំរាជធានីភ្នំពេញ និងជាតំណាងរាស្ត្រ ប្រចាំខេត្តកំពង់ចាម។
នៅពេលប្រទេសកម្ពុជាយើង រៀបចំការបោះឆ្នោត ដោយអ៊ុនតាក់ នៅឆ្នាំ១៩៩៣ ឯកឧត្តម ខៀវ កាញារីទ្ធ បានកាន់តំណែងជារដ្ឋលេខាធិការក្រសួងព័ត៌មានចាប់តាំងពីឆ្នាំ១៩៩៣ រហូតដល់ឆ្នាំ២០០៤ ដោយឃើញថានៅក្នុងឆ្នាំ២០០៤ មកដល់បច្ចុប្បន្ន ឯកឧត្តម ខៀវ កាញារីទ្ធ ជារដ្ឋមន្ត្រីក្រសួងព័ត៌មាន។
អ្នកកាសែតជើងចាស់ ឯកឧត្តម ខៀវ កាញារីទ្ធ ក៏បានសរសេរសៀវភៅ និងបានចេញផ្សាយជាច្រើនរួចមកហើយ រួមមានដូចជា៖ ញញឹមចុងក្រោយ ឆ្ងាយហួសពីជើងមេឃ (បកប្រែ) អប្សរានៃអង្គរ (បកប្រែ) អ្នកដែលឃ្លាតឆ្ងាយ ការហិនហោចព្រៃឈើ (បកប្រែ) និងសៀវភៅ អគ្គមហាសេនា (បកប្រែ)។
បន្ទាប់ពីចាកចេញពីតំណែងរដ្ឋមន្ត្រីក្រសួងព័ត៌មាន នៅក្នុងនីតិកាលទី៧ នេះ ឯកឧត្តម ខៀវ កាញារីទ្ធ ដែលមានវ័យ ៧២ឆ្នាំ នឹងទៅធ្វើការនៅរដ្ឋសភា ក្នុងនាមជាអ្នកតំណាងរាស្ត្រ មណ្ឌលខេត្តកំពង់ចាម របស់គណបក្សប្រជាជនកម្ពជា។
