ខេត្តកែប៖ ក្នុងស្មារតីយកចិត្តទុកដាក់លើសុខទុក្ខរបស់កងកម្លាំងប្រដាប់អាវុធ នារសៀលថ្ងៃទី៣ ខែកុម្ភៈ ឆ្នាំ២០២៦ ឯកឧត្តមបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប បានដឹកនាំមន្ត្រីរាជការ នាំយកគ្រឿងឧបភោគបរិភោគ និងថវិកា ចុះសួរសុខទុក្ខ និងប្រគល់ជូនកងពលតូចថ្មើរជើងលេខ ៣១។
ពិធីប្រគល់ និងទទួលអំណោយនេះ បានរៀបចំឡើងនៅទីបញ្ជាការកងពលតូចថ្មើរជើងលេខ ៣១ ដោយមានការទទួលស្វាគមន៍យ៉ាងកក់ក្តៅពីសំណាក់ ឧត្តមសេនីយ៍ទោ ផង់ យ៉ុត មេបញ្ជាការកងពលតូចថ្មើរជើងលេខ ៣១។
អំណោយដែលបានឧបត្ថម្ភរួមមាន៖ គ្រឿងឧបភោគបរិភោគចាំបាច់ សម្ភារប្រើប្រាស់ផ្សេងៗ ថវិកាមួយចំនួនសម្រាប់ទ្រទ្រង់ការងារកងពល ។
ឯកឧត្តមបណ្ឌិត សោម ពិសិដ្ឋ បានបញ្ជាក់ថា ការនាំយកអំណោយមកនាពេលនេះ គឺជាសក្ខីភាពបង្ហាញពីការគាំទ្រ និងការដឹងគុណចំពោះវីរភាពរបស់កងទ័ព ដែលបានលះបង់ដើម្បីសន្តិសុខជាតិ។ ឯកឧត្តមបានលើកទឹកចិត្តឱ្យកងកម្លាំងទាំងអស់ បន្តបំពេញភារកិច្ចដោយស្មារតីទទួលខុសត្រូវខ្ពស់ និងស្មោះត្រង់ដាច់ខាតចំពោះ ជាតិ សាសនា ព្រះមហាក្សត្រ។
ជាការឆ្លើយតប ឧត្តមសេនីយ៍ទោ ផង់ យ៉ុត បានថ្លែងអំណរគុណយ៉ាងជ្រាលជ្រៅចំពោះរដ្ឋបាលខេត្តកែប និងប្រជាពលរដ្ឋទាំងអស់ ដែលជានិច្ចកាលតែងតែនៅជាប់ជាមួយកងទ័ព និងជួយសម្រាលការលំបាកក្នុងជីវភាពរស់នៅរបស់កងកម្លាំង ដែលកំពុងឈរជើងបំពេញបេសកកម្មជូនជាតិមាតុភូមិ។
សកម្មភាពនេះមិនត្រឹមតែជាការផ្តល់ជំនួយសម្ភារប៉ុណ្ណោះទេ ប៉ុន្តែគឺជាការរឹតចំណងសាមគ្គីភាពរវាង “សមរភូមិមុខ និងសមរភូមិក្រោយ” ឱ្យកាន់តែរឹងមាំ ដើម្បីធានាបាននូវសុខសន្តិភាព និងការអភិវឌ្ឍសម្រាប់ខេត្តកែប ក៏ដូចជាប្រទេសជាតិទាំងមូល ៕
ខេត្តកែប៖ ក្នុងស្មារតីយកចិត្តទុកដាក់លើសុខទុក្ខរបស់កងកម្លាំងប្រដាប់អាវុធ នារសៀលថ្ងៃទី៣ ខែកុម្ភៈ ឆ្នាំ២០២៦ ឯកឧត្តមបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប បានដឹកនាំមន្ត្រីរាជការ នាំយកគ្រឿងឧបភោគបរិភោគ និងថវិកា ចុះសួរសុខទុក្ខ និងប្រគល់ជូនកងពលតូចថ្មើរជើងលេខ ៣១។
ពិធីប្រគល់ និងទទួលអំណោយនេះ បានរៀបចំឡើងនៅទីបញ្ជាការកងពលតូចថ្មើរជើងលេខ ៣១ ដោយមានការទទួលស្វាគមន៍យ៉ាងកក់ក្តៅពីសំណាក់ ឧត្តមសេនីយ៍ទោ ផង់ យ៉ុត មេបញ្ជាការកងពលតូចថ្មើរជើងលេខ ៣១។
អំណោយដែលបានឧបត្ថម្ភរួមមាន៖ គ្រឿងឧបភោគបរិភោគចាំបាច់ សម្ភារប្រើប្រាស់ផ្សេងៗ ថវិកាមួយចំនួនសម្រាប់ទ្រទ្រង់ការងារកងពល ។
ឯកឧត្តមបណ្ឌិត សោម ពិសិដ្ឋ បានបញ្ជាក់ថា ការនាំយកអំណោយមកនាពេលនេះ គឺជាសក្ខីភាពបង្ហាញពីការគាំទ្រ និងការដឹងគុណចំពោះវីរភាពរបស់កងទ័ព ដែលបានលះបង់ដើម្បីសន្តិសុខជាតិ។ ឯកឧត្តមបានលើកទឹកចិត្តឱ្យកងកម្លាំងទាំងអស់ បន្តបំពេញភារកិច្ចដោយស្មារតីទទួលខុសត្រូវខ្ពស់ និងស្មោះត្រង់ដាច់ខាតចំពោះ ជាតិ សាសនា ព្រះមហាក្សត្រ។
ជាការឆ្លើយតប ឧត្តមសេនីយ៍ទោ ផង់ យ៉ុត បានថ្លែងអំណរគុណយ៉ាងជ្រាលជ្រៅចំពោះរដ្ឋបាលខេត្តកែប និងប្រជាពលរដ្ឋទាំងអស់ ដែលជានិច្ចកាលតែងតែនៅជាប់ជាមួយកងទ័ព និងជួយសម្រាលការលំបាកក្នុងជីវភាពរស់នៅរបស់កងកម្លាំង ដែលកំពុងឈរជើងបំពេញបេសកកម្មជូនជាតិមាតុភូមិ។
សកម្មភាពនេះមិនត្រឹមតែជាការផ្តល់ជំនួយសម្ភារប៉ុណ្ណោះទេ ប៉ុន្តែគឺជាការរឹតចំណងសាមគ្គីភាពរវាង “សមរភូមិមុខ និងសមរភូមិក្រោយ” ឱ្យកាន់តែរឹងមាំ ដើម្បីធានាបាននូវសុខសន្តិភាព និងការអភិវឌ្ឍសម្រាប់ខេត្តកែប ក៏ដូចជាប្រទេសជាតិទាំងមូល ៕
