ខេត្តកំពត៖ ថ្នាក់ដឹកនាំរាជរដ្ឋាភិបាល បានបញ្ជាក់ថា មានតែចំណេះវិជ្ជាមួយមុខគត់ ដែលអាចជួយស្រោចស្រង់ កសាងប្រទេសជាតិមានមាតុភូមិ ឲ្យនៅស្ថិតស្ថេរ គង់វង្ស និងរុងរឿងតជំនាន់ នៅក្នុងពិធីជួបសំណេះសំណាលជាមួយសិស្សជ័យលាភីប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា២០២៤-២០២៥ ទូទាំងខេត្តកំពត នៅព្រឹកថ្ងៃទី១៨ ខែតុលា ឆ្នាំ២០២៥។
ពិធីនេះដែលបានរៀបចំធ្វើនៅបរិវេណពហុកីឡដ្ឋានខេត្ត ក៏មានការផ្តល់រង្វាន់ជូនសិស្សប្រឡងជាប់និទ្ទេស A ទាំង ៨៩នាក់ផងដែរ។
ថ្លែងនៅក្នុងឱកាសនោះ ឯកឧត្តមបណ្ឌិត ប៉ែន ស៊ីម៉ន អ្នកតំណាងរាស្ត្រមណ្ឌលកំពត និងជាប្រធានក្រុមការងារគណបក្សប្រជាជនចុះមូលដ្ឋានខេត្តកំពត បានលើកឡើងថា នៅក្នុងសម័យកាលណាក៏ដោយ ការសិក្សាអប់រំ បង្កើតធនធានមនុស្ស ជាការងារសំខាន់បំផុតសម្រាប់ប្រទេសជាតិមួយ ព្រោះមានតែចំណេះវិជ្ជាទេ ដែលអាចជួយស្រោចស្រង់ កសាងប្រទេសឲ្យគង់វង្សរុងរឿងបាន។ ឯកឧត្តមបានលើកទឹកចិត្តដល់សិស្សពូកែឲ្យខិតខំបន្ត ចំណែកសិស្សមិនសូវពូកែ សូមកុំទាន់អស់សង្ឃឹម ត្រូវប្រឹងប្រែងអភិវឌ្ឍសមត្ថភាព និងខិតខំបង្កើនបំណិតជីវិតឲ្យកាន់តែប្រសើរ។
បន្ថែមពីនេះ ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពត ក៏បានបញ្ជាក់ដែរថា ការងារអប់រំជាកិច្ចការងារមួយសំខាន់មិនអាចខ្វះបាន ហើយអនាគតកម្ពុជា គឺត្រូវពឹងលើវិស័យអប់រំនេះ។ លោកបានលើកទឹកចិត្តដល់យុវជន និងសិស្សានុសិស្ស ពិសេសអ្នករៀនមិនសូវពូកែ សូមកុំអាលអស់សង្ឃឹម ត្រូវបន្តប្រឹងប្រែងរៀនសូត្រជាប្រចាំ និងអភិវឌ្ឍសមត្ថភាពជានិច្ច ទាំងជំនាញនៅក្នុងសាលា និងចំណេះដឹង បំណិតជីវិតនៅក្នុងសង្គម ដើម្បីចូលរួមកសាងស្រុកទេស ឲ្យរីកចម្រើន គង់វង្សតជំនាន់រហូតទៅ។
ជាមួយគ្នានេះ ឯកឧត្តម ម៉ៅ ធនិន អភិបាលខេត្តកំពត បានប្រសាសន៍ឲ្យដឹងថា សម្រាប់លទ្ធផលនៃការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង២៨ សីហា ឆ្នាំ២០២៥ ខេត្តកំពតមានសិស្សប្រឡងជាប់សរុបចំនួន ៤.៦៩៨នាក់ ស្រី ២.៧២៥នាក់ ស្មើនឹង ៩០.៨៥%។ ក្នុងនោះសិស្សទទួលបាននិទ្ទេស A មានចំនួន ៨៩នាក់ ដែលជាការកើនឡើងជាងឆ្នាំមុន ១១នាក់។
គួរបញ្ជាក់ថា សិស្សទទួលបាននិទ្ទេស A ក្នុងឆ្នាំនេះម្នាក់ៗទទួលបានរង្វាន់ម៉ូតូ ១គ្រឿង ថវិកា ៤០ម៉ឺនរៀល និងឱកាសទទួលបានកញ្ចប់អាហារូបករណ៍នៅថ្នាក់ឧត្តមសិក្សា។
ខេត្តកំពត៖ ថ្នាក់ដឹកនាំរាជរដ្ឋាភិបាល បានបញ្ជាក់ថា មានតែចំណេះវិជ្ជាមួយមុខគត់ ដែលអាចជួយស្រោចស្រង់ កសាងប្រទេសជាតិមានមាតុភូមិ ឲ្យនៅស្ថិតស្ថេរ គង់វង្ស និងរុងរឿងតជំនាន់ នៅក្នុងពិធីជួបសំណេះសំណាលជាមួយសិស្សជ័យលាភីប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា២០២៤-២០២៥ ទូទាំងខេត្តកំពត នៅព្រឹកថ្ងៃទី១៨ ខែតុលា ឆ្នាំ២០២៥។
ពិធីនេះដែលបានរៀបចំធ្វើនៅបរិវេណពហុកីឡដ្ឋានខេត្ត ក៏មានការផ្តល់រង្វាន់ជូនសិស្សប្រឡងជាប់និទ្ទេស A ទាំង ៨៩នាក់ផងដែរ។
ថ្លែងនៅក្នុងឱកាសនោះ ឯកឧត្តមបណ្ឌិត ប៉ែន ស៊ីម៉ន អ្នកតំណាងរាស្ត្រមណ្ឌលកំពត និងជាប្រធានក្រុមការងារគណបក្សប្រជាជនចុះមូលដ្ឋានខេត្តកំពត បានលើកឡើងថា នៅក្នុងសម័យកាលណាក៏ដោយ ការសិក្សាអប់រំ បង្កើតធនធានមនុស្ស ជាការងារសំខាន់បំផុតសម្រាប់ប្រទេសជាតិមួយ ព្រោះមានតែចំណេះវិជ្ជាទេ ដែលអាចជួយស្រោចស្រង់ កសាងប្រទេសឲ្យគង់វង្សរុងរឿងបាន។ ឯកឧត្តមបានលើកទឹកចិត្តដល់សិស្សពូកែឲ្យខិតខំបន្ត ចំណែកសិស្សមិនសូវពូកែ សូមកុំទាន់អស់សង្ឃឹម ត្រូវប្រឹងប្រែងអភិវឌ្ឍសមត្ថភាព និងខិតខំបង្កើនបំណិតជីវិតឲ្យកាន់តែប្រសើរ។
បន្ថែមពីនេះ ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពត ក៏បានបញ្ជាក់ដែរថា ការងារអប់រំជាកិច្ចការងារមួយសំខាន់មិនអាចខ្វះបាន ហើយអនាគតកម្ពុជា គឺត្រូវពឹងលើវិស័យអប់រំនេះ។ លោកបានលើកទឹកចិត្តដល់យុវជន និងសិស្សានុសិស្ស ពិសេសអ្នករៀនមិនសូវពូកែ សូមកុំអាលអស់សង្ឃឹម ត្រូវបន្តប្រឹងប្រែងរៀនសូត្រជាប្រចាំ និងអភិវឌ្ឍសមត្ថភាពជានិច្ច ទាំងជំនាញនៅក្នុងសាលា និងចំណេះដឹង បំណិតជីវិតនៅក្នុងសង្គម ដើម្បីចូលរួមកសាងស្រុកទេស ឲ្យរីកចម្រើន គង់វង្សតជំនាន់រហូតទៅ។
ជាមួយគ្នានេះ ឯកឧត្តម ម៉ៅ ធនិន អភិបាលខេត្តកំពត បានប្រសាសន៍ឲ្យដឹងថា សម្រាប់លទ្ធផលនៃការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង២៨ សីហា ឆ្នាំ២០២៥ ខេត្តកំពតមានសិស្សប្រឡងជាប់សរុបចំនួន ៤.៦៩៨នាក់ ស្រី ២.៧២៥នាក់ ស្មើនឹង ៩០.៨៥%។ ក្នុងនោះសិស្សទទួលបាននិទ្ទេស A មានចំនួន ៨៩នាក់ ដែលជាការកើនឡើងជាងឆ្នាំមុន ១១នាក់។
គួរបញ្ជាក់ថា សិស្សទទួលបាននិទ្ទេស A ក្នុងឆ្នាំនេះម្នាក់ៗទទួលបានរង្វាន់ម៉ូតូ ១គ្រឿង ថវិកា ៤០ម៉ឺនរៀល និងឱកាសទទួលបានកញ្ចប់អាហារូបករណ៍នៅថ្នាក់ឧត្តមសិក្សា។
